Եթե Դուք ուզում եք մի փոքր խնայել, բայց նաև փոփոխել տան ինտերիերը, ստանալ ոչ ստանդարտ ու գրավիչ դիզայն, ինչու չէ՝ նաև քողարկել պատերի ինչ-ինչ անհարթություններ, ապա անհրաժեշտ է գնել պաստառներ, որոնց ֆունկցիոնալ և գեղագիտական բազմազանությունն այսօր իրավամբ թույլ է տալիս իրականացնել ցանկացած ֆանտաստիկ մտահղացում:
Պատառների կիրառման պատմությունը գալիս է դեռ վաղ անցյալից։ Մ․թ․ա․ 2-րդ դարում Չինաստանում սկսեցին պատրաստել բրնձե թուղթը, որը փակցնում էին խրճիթների պատերին։ Հազարամյակների ընթացքում պաստառները ձևափոխվել են, բայց չեն կորցրել իրենց արդիականությունն ու լայնածավալ կիրառում ունեն վերանորոգման աշխատանքներում։ Մեր օրերում պաստառներն անխոս դարձել են հարդարման անփոխարինելի նյութ։
Նորաձև պաստառներ
Էքստերիեր Գրուպի խանութ-սրահներում և առցանց կատալոգում ներկայացված են պատերի պաստառների հետևյալ տեսակները, որոնք կարելի է օգտագործել հյուրասենյակի, ննջասենյակի, խոհանոցի կամ ցանկացած այլ տարածքի ինտերիերում:
- Ֆլիզելինային հիմքով վինիլային պաստառներ, որոնք ջրակայուն են, ինչպես նաև շատ խիտ, ինչի հաշվին կարող են ծածկել պատի ցանկացած անհարթություն։ Այս պաստառներն իրենց ամրության շնորհիվ կարող են դիմակայել նաև Ձեր սիրելի տնային կենդանու ճանկերի գրոհներին։ Վերոնշյալ պաստառները հարմար են խոհանոցի և նախասենյակի համար։
- Ֆոտոպաստառներն իրականություն են դարձնում ինտերիերի հետ կապված ցանկացած երևակայություն։ Սրանք կիրառելի են տան ցանկացած հատվածում՝ խոհանոց, ննջասենյակ, անգամ կարող են տեղ գտնել հյուրասենյակում՝ որպես դեկոր։ Ֆոտոպաստառները տեսանելիորեն ընդլայնում են սենյակը, դարձնում միջավայրն ավելի ընդարձակ, հաղորդում են շունչ ու տրամադրություն։
- Պաստառներ նկարելու համար․ կավճային և մարկերային։ Այս պաստառներն իսկական ուրախություն են թե՛ ծնողների և թե՛ երախաների համար: Ո՞վ է ասել, թե չի կարելի նկարել պատերին. երեխաները նույնիսկ պետք է նկարեն ու գունազարդեն պատերը ։) Իսկ ծնողներն ուղղակի կարող են հեշտությամբ մաքրել և փոփոխել դրանք ցանկացած ժամանակ։
- Տեքստիլ պաստառները շքեղություն և յուրահատկություն կհաղորդեն Ձեր ինտերիերին։ Մետաքսը, գոբելենը, փափուկ թավիշը կգրավեն լյուքս դասը գնահատողներին։
- Թաղանթե պաստառներ պոլիվինիլքլորիդի հիմքով. սրանք բարձրորակ պաստառներ են, որոնք փակցվում են պատերին, հատակին, ապակուն, կահույքին։
Մեր խանութ-սրահներում նույնիսկ ամենախստապահանջ հաճախորդը կարող է գնել պաստառներ, որոնք անկասկած կհագեցնեն տան ինտերիերը, կհաղորդեն նոր շունչ՝ ստեղծելով հարմարավետության ու ներդաշնակության մթնոլորտ։ Մաղթում ենք Ձեզ հաճելի գնումներ: